2024 жылғы астық шаруашылығының ғылыми-өндірістік орталығының жетістіктері туралы Орталық басшысы Тимур Савин айтып берді. Ағымдағы жылдан бастап АШҒӨО-да өндіріске ғылыми жетістіктердің нәтижелерін енгізу жөніндегі бағдарлама іске асырылуда, оның шеңберінде фермерлермен өзара қарым-қатынастар жанданды. Сондай-ақ, Орталықта материалдық-техникалық жарақтандыру айтарлықтай жақсарды: ғылыми-өндірістік әлеуетті ресурстық арттыру үшін сепкіш, екі жинау комбайны және басқа да қажетті техникалық жабдықтар сатып алынды.
"Биылғы жылы Бараев атындағы АШҒӨО жаздық бидай селекциясында жаңа стандартқа сәтті шықты. 2023-2025 жылдарға арналған "Қазақстандық нарықты жаздық бидайдың отандық сұрыптарының элиталық тұқымдарымен қамтамасыз ету" ғылыми және (немесе) ғылыми-техникалық қызмет нәтижелерін коммерцияландыру жобасы шеңберінде ғалым–селекционерлер Таймас жаздық жұмсақ бидай сұрпының тұқым шаруашылығын көбейту және жетілдіру бойынша жұмыстар жүргізді. Бұрын өсірілген бұл сұрып Қазақстанның климаттық сын-қатерлеріне бейімделу мен іріктеудегі инновациялардың символына айналды", - деді Тимур Савин.
Ол Таймас сұрпының Бараев атындағы АШҒӨО жұмысындағы стратегиялық маңызды элемент болып қала беретінін атап өтті.
Сондай-ақ, Ғылыми-өндірістік орталықтың ғалымдары болашақта фермерлерге инновациялық және сапалы шешімдер ұсыну үшін ғылыми және селекциялық базаны нығайту жұмыстарын жалғастыруда.
АШҒӨО-да жүргізіліп жатқан зерттеулер елдің әртүрлі топырақ-климаттық аймақтары үшін цифрлық платформаларды пайдалана отырып, инновациялық технологияларды әзірлеуге, жаңа бағдарламалық құжаттарды (ГАЖ технологиялары, жерді қашықтықтан зондтау (ЖҚЗ) деректері және басқа да интернет-заттар) пайдалануға бағытталған.
Атап айтқанда, Қазақстанның құрғақ өңірлері үшін АШҒӨО ғалымдары әзірлеген егіншілік жүйесі өзін толық ақтады. Бұған соңғы жылдары бидай өнімділігін 20 ц/га деңгейінде алатын осы технологияларды игерген фермерлер жұмысының нәтижелері дәлел бола алады.
