Тауарлар
Қызметтер
Тасымалдау қызметі
Қостанай облысында 2022 жылдың қорытындысы бойынша 518 мың гектардан астам ауыл шаруашылығы жері мемлекеттік меншікке қайтарылды, биыл тағы 330 мың гектар жер қайтарылады. Мемлекеттік органдар жұмыс істеу үшін ақпараттық платформаларды белсенді пайдаланады, деп хабарлайды inbusiness.kz.
"2022 жылы Қостанай облысы үшін жерді қайтарудың жоспарлы көрсеткіші 500 мың гектарды құрады, ол 104% орындалды. Мемлекет меншігіне 518,2 мың гектар қайтарылды, оның ішінде жер пайдаланушылар өз еркімен 365,6 мың гектардан бас тартты, сот тәртібімен 7,8 мың гектар тәркіленді. Сондай-ақ, заңнаманы бұза отырып 50 мың гектардан астам жер берілді, 1 мың гектардан жалдау мерзімі аяқталды, өзге тәсілмен - 93,3 мың гектар", - деді Қостанай облысының Жер ресурстарын басқару департаментінің басшысы Қайрат Оспанов.
Спикердің айтуынша, биылғы жылдың қаңтар айында АШМ Цифрлық даму және аэроғарыш өнеркәсібі министрлігімен бірлесіп jerkarta.gharysh.kz геосервисін іске қосты. Бұл 2022 жылы мемлекет пайдасына қайтарылған ауылшаруашылық жерлерінің интерактивті картасы болып табылады. Онда пайдаланылмаған жерлер, олардың орналасқан жері, ауданы және кадастрлық нөмірлері көрсетілген.
"Бүгінде бақылау органдары тарапынан бизнес құқықтарының бұзылуына жол бермеу үшін бақылау субъектісіне бармай-ақ профилактикалық бақылауды міндетті түрде қолдану енгізілді. Оның мақсаты субъектіге бұзушылықтарды өз бетінше жою және әкімшілік жүктемені азайту құқығын беру болып табылады. Ауыл шаруашылығы мақсатындағы жерлерде бақылаудың бұл түрі 2022 жылғы 1 шілдеден бастап еліміздің барлық өңірлерінде пилоттық режимде іске қосылған JerinSpectr цифрлық платформасында жүзеге асырылады", - деп түсіндірді ведомство басшысы.
Бұл платформаның жұмыс істеу тетігі "Қазақстан Ғарыш Сапары" АҚ ұлттық операторының және одан әрі жергілікті атқарушы органдар мен департамент қызметкерлерінің Жерді қашықтықтан зондтау деректері бойынша жерді пайдалану бойынша бұзушылықтарды анықтауға негізделген.
