Биылғы жылы Қазақстан фермерлері 322 мың га егіс алқабын құрғақшылықтан және 126 мың га жаңбырдан сақтандырды. Сақтандыру сыйлықақысы 3 млн теңгені құрады, оның 2,4 млн теңгесін мемлекет субсидиялады. Бұл туралы ауыл шаруашылығындағы сақтандыру бағдарламасының операторы болып табылатын Аграрлық несие корпорациясының баспасөз қызметі хабарлады.
Топырақ ылғалдылығының тапшылығынан жасалған сақтандыру шарттары бойынша сақтандырып қорғау кезеңі басталды.
АНК Қазақстанның қауіпті егіншілік аймағында екенін еске салды. Дәнді, бұршақты және майлы дақылдарды индекстік сақтандыру өнімдері топырақтағы ылғалдың жетіспеушілігі мен артық болуына негізделген тәуекелдерді қамтиды.
"Соңғы төрт жылдағы құрғақшылық пен егін жинау науқаны кезінде жауын-шашынның қосарланған нормасы түскен ұзақ жауған жаңбырдың нәтижесінде сақтандыру АӨК өнімдерін өндірушілердің мүліктік мүдделерін қорғаудың талап етілетін құралына айналуда. Бұдан басқа, сақтандырудың жаңа жүйесі АӨК субъектілерін қаржыландырудың қолжетімділігін арттырады. Осы саланың маусымдылығын ескере отырып, өсімдік шаруашылығындағы сақтандыру 2024 жылы аяқталды", - деп хабарлады АНК.
