Ақтөбеде ұсақ мал арасында шешек ауруы анықталды. Инфекция болған аумаққа карантин енгізіледі.
Карантин белгілеу туралы қаулыны қала әкімдігі Ветеринариялық бақылау және қадағалау комитетінің Ақтөбе қалалық аумақтық инспекциясының мемлекеттік ветеринариялық-санитариялық инспекторының ұсынысы негізінде дайындады.
Карантин Қарғала өзенінен батысқа қарай 3 км жерде орналасқан жазғы жайылым аумағында, Ақтөбе қаласы Алматы ауданының "Садовое" тұрғын алабында ұсақ мал арасында шешек ауруының анықталуына байланысты белгіленеді.
ҰММ шешек ауруы - бұл жұқпалы ауру, ол жоғары жұқпалылығымен және өліммен сипатталады.
