Қостанай облысында су тасқынынан 101 ауыл шаруашылығы кәсіпорны зардап шекті. Оларға Аграрлық несие корпорациясы мен ҚазАгроҚаржы тарапынан қолдау көрсетілетін болады. Бұл туралы өңірдің Кәсіпкерлер палатасында хабарлады.
"Бүгінгі таңда су тасқынынан зардап шеккен АНК және ҚАҚ қарыз алушыларына төлемдер кейінге қалдырылады. 2024 жылғы кестелер бойынша барлық төлемдер 2025 жылдан бастап қаржыландыру мерзімінің соңына дейін біркелкі төлемдермен кейінгі төлемдерге бөлінеді, қарыздың аяқталу мерзімі 2024 - 2025 жылдары болатын жобалар бойынша қарыз алушының қызмет бағытына байланысты 24 айдан аспайтын мерзімге ұзарту берілетін болады", - деп хабарлады Кәсіпкерлер палатасы.
Ұзарту көктемгі егіс және егін жинау жұмыстарын қоспағанда, барлық бағыттар бойынша өтеді. Қарыз алушылардың осы санаты бойынша қайта құрылымдауға/ұзартуға өтінімдерді қарау егін жинау аяқталғаннан кейін жүргізілетін болады.
Зардап шеккен қарыз алушылардың несиелері бойынша су тасқыны салдарының ықпалына байланысты туындаған төлемдерді кешіктіргені үшін айыппұлдар мен өсімпұлдар есептелмейді.
Өтінімдерді жеделдетіп қарау мақсатында АНК мен ҚАҚ-да құжаттардың ең аз саны негізінде өтінімдерді қараудың оңайлатылған процесі бекітілді.
