Түркістан облысы Сауран ауданы Оранғай ауылдық округінде 5 мың бас ІҚМ бордақылау алаңы пайдалануға берілді. Жобаны "Жасыл аймақ" өндірістік кооперативі жүзеге асырды. Бұл туралы Өңірлік коммуникациялар қызметінде хабарлады.
Кооператив жылына 4 мың тонна ет дайындауға қабілетті. Шаруа қожалығының төрағасы Аброр Рысқұловтың айтуынша, бордақылау алаңының аумағы 1,7 га, жобаның құны 1,5 млрд теңгені құрайды. Бүгінде алаңда 20-25 адам тұрақты жұмыспен қамтылды.
Асыл тұқымды мал басын ұлғайту және олардың өнімділігін арттыру мақсатында шетелден 500 бас асыл тұқымды ірі қара мал сатып алынды. Алдағы уақытта мал басы 5 мыңға дейін ұлғайтылады.
