Арыс қаласында австралиялық тәжірибе бойынша бордақылау алаңы іске қосылды

Түркістан облысында Арыс қаласының Қожатоғай ауылдық округінде қуаттылығы 50 мың бас ірі қара малды құрайтын бордақылау кешені іске қосылды. Бұл Түркістан облысында австралиялық технология бойынша салынған ірі кешендердің бірі болмақ, деп хабарлады облыс әкімінің баспасөз қызметінен.

"Turkestan Agro.kz" ЖШС жүзеге асыратын жоба екі бағытты қамтиды: етті бағыттағы ІҚМ өсіру және бүрку жүйесін пайдалана отырып, жемшөп дақылдарын өндіру.

Жобаны іске асырудың бірінші кезеңі 15 мың бас ІҚМ әкелуді көздейді, биыл оларға тағы 10 мың бас қосылады, ал 2026-2027 жылдары бордақылау кешеніне 25 мың бас қосу жоспарлануда. Бүрку технологиясын қолдана отырып, жемшөп дақылдарын өсіру 4 710 г алаңда жүзеге асырылады.

Жобаның жалпы құны 16,2 млрд теңгені құрайды. Кешенде 100-ге жуық жаңа жұмыс орны ашылады.