Атырау облысындағы Махамбет ауданының жайылымдарында үлкен мұнай дақтары пайда болды. Төгілу алаңы шамамен 120 шаршы метрді құрады. Бұл туралы КТК телеарнасы хабарлады.
Ластанған аумақта тасталған ұңғыма бар екені белгілі. Жергілікті тұрғындар мұнайдың жерден шыққанына сенімді. Шенеуніктер де бұл нұсқаны жоққа шығармайды.
Неліктен жұмыс істемейтін ұңғымадан мұнай ағып кеткені белгісіз. Экологтардың пікірінше, төгілудің салдарын аудан әкімдігі жоюы тиіс.
"Бізге бұл "Оңтүстік Байменке" кен орнындағы К-3 ұңғымасы екенін хабарлады. Қазіргі уақытта жер мен ұңғыма мемлекет меншігінде деген жауап келді. Жер заңнамасына сәйкес әкімдік бұл жерлерді тазартуға, қалпына келтіруге міндетті", - деді Атырау облысы экология департаменті басшысының орынбасары Сырым Тілегенов.
Сондай-ақ, экология департаменті бұл оқиғаға өзінің әлеуметтік желілерінде түсініктеме берді. Департамент мамандары Махамбет аудандық прокуратурасының, әкімдіктің және полицияның қызметкерлерімен бірлесіп, 2021 жылдың тамыз айында топырақтың ластануы тіркелген кезде осы аумақта тексеру жүргізді. Топырақты талдау нәтижелері бойынша мұнай өнімдерінің көп мөлшері анықталған. Қазіргі уақытта қосымша тексеру жүргізіліп, топырақ сынамалары қайта алынды.
