Ж.Жиембаев атындағы Қазақ өсімдіктерді қорғау және карантин ғылыми-зерттеу институтының базасында 2026 жылы сау тұқымдардың озық орталығы құрылады. Жоба Ауыл шаруашылығы министрлігінің қолдауымен жүзеге асырылуда, деп хабарлады ведомствоның баспасөз қызметі.
Ауыл шаруашылығы министрлігінің мәліметінше, Тұқым орталығы заманауи жабдықтармен жарақтандырылып, жоғары білікті мамандар штатымен жасақталатын болады. Орталықтың негізгі міндеті өнімділік пен экологиялық қауіпсіздікке қауіп төндіретін патогендермен күресу болады.
Орталық әртүрлі дақылдардың тұқым сынамаларына талдау жүргізе отырып, бүкіл ел бойынша тұқым шаруашылықтарымен ынтымақтасады. Жобаның басты мақсаты - отандық тұқымдардың үлесін 2030 жылға қарай 80%-ға дейін жеткізу.
Тұқымдардың фитосараптау мен сауықтырудың инновациялық әдістерін қолдану егінді қорғап қана қоймай, оның өнімділігін де арттыруға мүмкіндік береді. Мамандардың бағалауы бойынша, тұқым қорын сауықтыру өсімдік ауруларымен күресудің негізгі факторы болып табылады, олардың 70%-ы тұқым арқылы беріледі. Орталықтың жұмысының арқасында дақылдардың өнімділігі кем дегенде 40% өсуі мүмкін деп күтілуде.
