Тауарлар
Қызметтер
Тасымалдау қызметі
Дизель отынын маусымдық ауылшаруашылық жұмыстарына бөлудің жаңа тетіктерін биыл ауыл шаруашылығы министрлігі іске қосады. Бұл туралы ElDala.kz АШМ баспасөз қызметіне сілтеме жасай отырып хабарлайды.
"Дизель отынын бөлудің барлық процестерін, оның ішінде дизель отынын жеткізу жөніндегі операторларды айқындау жөніндегі комиссияның жұмыс тәртібін және операторларды айқындау шарттарын, сондай-ақ дизель отынының көлемін субсидиялаудың бірыңғай мемлекеттік ақпараттық жүйесінде электрондық қалыптастыру және бөлу процесін қамтитын қағидалар жобасы әзірленді", - деп хабарлады ведомстводан.
Фермерлер үшін жанармай көлемін қалыптастыру және бөлу ауыл шаруашылығы дақылдарының түрлері бойынша 1 га дизель отыны шығысының нормативтеріне сәйкес егіс алқаптарын ескере отырып жүргізілетін болады.
Дизель отынын алушылардың тізілімі gosagro.kz порталында автоматтандырылған режимде құрылады.
Қазіргі уақытта қағидалар жобасы салалық қоғамдық ұйымдар мен "Атамекен" ҰКП-да қарау және келісу рәсімінен өтуде. Құжаттың жобасымен "Ашық НҚА" порталында да танысуға болады.
"Барлық келіп түскен ескертулер мен ұсыныстар қаралатын және негізділік жағдайында Қағидалар жобасын пысықтау кезінде ескерілетін болады", - деп толықтырды Ауыл шаруашылығы министрлігі.
Ведомствоның мәліметінше, дизель отынын электрондық бөлуді СМБАЖ-не енгізу республика өңірлерінде пилоттық режимде сынақтан өткізгеннен кейін ғана жоспарланады.
