Жерді бөлу тәртібі Жетісуда цифрландырылады

Облыс прокуратурасы жерді бөлу тәртібін толық цифрландыруға бағытталған "Заңға сәйкес жер" жобасына бастамашы болды. Бұл туралы ведомствоның баспасөз қызметінен хабарлады.

"Жақын арада пилоттық жоба Сарқан ауданында басталады, онда жерді бөлу адами факторды жоққа шығарып, тек электрондық портал арқылы жүзеге асырылады", - деп хабарлады прокуратура.

Ведомствоның мәліметінше, жыл басынан бері прокурорлардың шараларымен 1,5 млрд теңгеден астам сомаға 100 мың га пайдаланылмаған және заңсыз берілген жер мемлекет меншігіне қайтарылды.

"Мысалы, Ескелді ауданында екі шаруа қожалығына конкурстан тыс 120 гектар жер беру фактісі тоқтатылды. Бұл бұзушылық үшін аудан әкімі әкімшілік жауапкершілікке тартылып, заңсыз берілген жер мемлекетке қайтарылды", - деп хабарлады прокуратура.