Үкімет АӨК қаржыландыруға 2025 жылы 700 млрд теңге бөледі

2024 жылы ауыл шаруашылығын жеңілдетілген қаржыландыру көлемі 3 еседен астам өсіп, рекордтық 580 млрд теңгені құрады. Келесі жылы саланы қаржыландыруды 700 млрд теңгеге дейін ұлғайту жоспарлануда. Бұл туралы ҚР үкіметінің баспасөз қызметі хабарлады.

Премьер-министр Олжас Бектенов отандық агроөнеркәсіп кәсіпорындарының өкілдерімен кеңейтілген кездесу өткізді. Үкімет басшысы хабарлағандай, келесі жылдың алғашқы ақшасы ағымдағы жылдың желтоқсан айында фермерлерге жетуі тиіс.

Ағымдағы жылы бөлінген қаражат аграрларға тікелей несие беруге, пайыздық мөлшерлемені арзандатуға және форвардтық сатып алуға бағытталған. Сыйақы мөлшерлемесін арзандату "Бәйтерек" холдингі коммерциялық қаражатты тарту сатысында жүргізілді. Келесі жылы осындай тетік қайта өңдеу кәсіпорындарын қаржыландыру кезінде іске қосылатын болады.

"Президент тікелей субсидиялаудан қолжетімді несиелендіруді қамтамасыз етуге көшу арқылы АӨК субъектілерін қаржыландыру көлемін ұлғайту міндетін қойды. 2025 жылдан бастап шаруалар қаржы институттарынан пайызы төмен несиені тікелей ала алады. Субсидиялау мәселелері толығымен ауыл шаруашылығы министрлігіне жүктеледі. Осылайша, фермер субсидияларды ресімдеу бойынша артық әуре-сарсаңнан босатылады", - деп атап өтті баспасөз қызметінде.