ҚР премьер-министрі Әлихан Смайыловтың төрағалығымен өткен Үкімет отырысында көктемгі дала жұмыстарын жүргізудің алдын ала қорытындылары өткізілді. 2023 жылы жалпы егіс алқабы 23,4 млн гектарды құрады, бұл өткен жылғы деңгейден 68,6 мың гектарға артық.
Қазіргі уақытта мақта 111,4 мың гектар алқапқа, күріш – 97,3 мың гектарға, масақты дәнді дақылдар – 15,6 млн гектарға, майлы дақылдар – 3,3 млн гектарға егілді. Картоп егу толығымен аяқталды, ал оның егіс алқабы 6,7 мың гектарға ұлғайтылып, 197,5 мың гектарға жеткізілді. Сондай-ақ, 2023 жылы қант қызылшасының көлемі ұлғайтылды және ол 19 мың гектарға дейін жеткізілді, бұл өткен жылдың деңгейінен 7,4 мың гектарға артық.
Естеріңізге сала кетейік, Республикалық жедел штаб жұмыс істеуді жалғастыруда, оның міндеті ауыл шаруашылығы тауарын өндірушілерді тұқыммен, агрохимиямен, техникамен, қаржыландырумен қамтамасыз етуге, сондай-ақ көктемгі егіс жұмыстарын жүргізуге байланысты барлық мәселелерді үйлестіру болып табылады.
Айта кету керек, қазірдің өзінде егін жинау науқанын жүргізу үшін аграрларды арзандатылған дизель отынымен қамтамасыз ету мәселелері пысықталуда. Енді субсидиялаудың мемлекеттік ақпараттық жүйесінде модуль базасында электрондық нысанда дизель отынының қажетті көлемін қалыптастыру және сату жүргізілетін болады. Қазіргі уақытта 368,2 мың тонна отынға 28,5 мыңнан астам өтінім берілген. Өз кезегінде Ауыл шаруашылығы министрлігі жөнелту кестесін дайындау үшін Энергетика министрлігіне жіберілетін жалпы өтінімді қалыптастырады.
"Отандық минералды тыңайтқыштар өндірушілерімен жұмыс жүргізілді. Оларды субсидиялауға жергілікті бюджеттерден 31 млрд теңге қарастырылған. Сондай-ақ, осы субсидияларды беру проблемаларын болдырмау үшін өрістерді цифрландыру бойынша бір жылға кейінге қалдырылды. Ағымдағы жылы АӨК мемлекеттік қолдау жүйесі іс жүзінде өзгеріссіз қалғанын атап өткім келеді", - деді Әлихан Смайылов.
Премьер-министр бүгінгі таңда солтүстік өңірлерде егіс маусымы аяқталатынын айтты. Аграрларға 522 мың тонна астыққа тауарлық несие берілді, сондай-ақ 140 млрд теңге көлемінде бюджеттік несиелеу және 21 млрд теңгегеөнімді форвардтық сатып алу көзделген.
