Ауыл шаруашылығы өндірушілері үшін жеңілдікті ЖЖМ бөлу БМСАЖ-дегі модуль базасында электрондық форматта жүргізіледі. Өтінімдерді, оның ішінде егін жинау жұмыстарына жүйеде ЭЦҚ көмегімен беру қажет. Бұл туралы Ауыл шаруашылығы министрлігінің баспасөз қызметі хабарлады.
Ауыл шаруашылығы министрлігінің мәліметінше, бүгінде gosagro.kz фермерлерден 301,5 мың тонна арзандатылған дизель отынына 13,9 мыңнан астам өтінім келіп түсті.
Ақпараттық модуль жұмысының пилоттық режимін ескере отырып, ауыл шаруашылығы министрлігі өтінімдерді қабылдау мерзімін 29 мамырды қоса алғанда ұзартты.
Ағымдағы жылы егіс жүргізуге 419 мың тонна арзандатылған ЖЖМ бөлінді, бұл өткен жылмен салыстырғанда 19 мың тоннаға артық. Бүгінгі таңда 350 мың тонна немесе жоспардың 83% жөнелтілді. Операторлардың шығындарын ескере отырып, фермерлер үшін республика бойынша орташа баға 204 теңге/литрді құрайды - бұл нарықтық құнның үштен біріне арзанырақ.
Қазіргі уақытта АШМ егін жинау науқанын жүргізуге арзандатылған дизель отынына қажеттілікті қалыптастыруда.
