Жеңілдікті дизель отынына өтінімдерді қабылдау мамыр айының соңына дейін ұзартылды

Егіс жұмыстарын жүргізу үшін жеңілдікті дизель отынын алуға фермерлерден электрондық өтінімдерді қабылдау 31 мамырды қоса алғанда ұзартылды. Бұл туралы Ауыл шаруашылығы министрлігінің баспасөз қызметі хабарлады.

Сәуір айында бекітілген Ережеге сәйкес, ауыл шаруашылығы өндірушілері үшін жеңілдікті ЖЖМ бөлу gosagro.kz-тегі модуль базасында электрондық форматта жүргізіледі. Өтінімдерді, оның ішінде егін жинау жұмыстарына жүйеде ЭЦҚ көмегімен беру қажет.

Бүгінгі таңда аграрлар 342,7 мың тонна арзандатылған дизель отынына 24 мыңнан астам өтінім берді.