Солтүстік Қазақстан облысында 19 наурызда тұқым шаруашылығын дамытуды субсидиялауға өтінімдер қабылдау басталды. Бұл туралы Ауыл шаруашылығы және жер қатынастары басқармасынан хабарлады.
Gosagro порталы арқылы өтініш беруге болады. Толық кеңесті 53-42-61 телефоны арқылы алуға болады.
Ауыл шаруашылығы басқармасының мәліметінше, ағымдағы жылы СҚО-да жоғары сапалы тұқым сатып алу шығындарын субсидиялауға жергілікті бюджеттен 1,8 млрд теңге бөлінді. Соңғы бес жылда өңірде сұрыпты жаңарту 1,3% - ға өсті. 2023 жылы бұл көрсеткіш 9,5% құрады.
Ағымдағы жылы сұрыпты жаңарту көрсеткішін 10% - ға дейін жеткізу жоспарлануда, осы көрсеткішке қол жеткізу үшін облыстың ауыл шаруашылығы құрылымдарына 48 мың тонна элиталық тұқым сатып алу қажет.
Зертханалардың деректері бойынша наурыз айының басында толық егіс талдауына 295,2 мың тонна дәнді және дәнді-бұршақты дақылдар тұқымы түсті. 2023 жылы облыстың аттестатталған тұқым шаруашылығы 68,4 мың тонна тұқым өндірді.
