Қазақстанда жылқы шаруашылығын субсидиялау туралы бұйрық күшіне енді

Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларынна өзгеріс енгізілген 14 қазанда ауыл шаруашылығы министрінің бұйрығы күшіне енді. Құжатта қазақтың спорттық жылқы тұқымын субсидиялау көзделген. Бұл туралы ҚР Ауыл шаруашылығы министрлігінің баспасөз қызметі хабарлады.

Салт және жегіс бағыттағы жылқылардың отандық тұқымдарын сақтау және молықтыру үшін жағдай жасау мақсатында қағидаларға жылқы шаруашылығын субсидиялаудың үш жаңа бағыты енгізілді:

• асыл тұқымды орталықтардың шетелдік селекцияның жоғарғы бағытындағы асыл тұқымды айғырларды сатып алуы;
• Салт және жегіс бағыттағы отандық жылқы тұқымдарының асыл тұқымды аналық басымен селекциялық-асыл тұқымдық жұмыс;
• Қазақстан Республикасының аумағында өсірілген Салт және жегіс бағыттағы жылқы тұқымдарының асыл тұқымды мал басын ұстауға жұмсалған шығындарды өтеу.

Бұдан басқа, АШМ бұйрығы ережеге өзгерістер енгізуді көздейді. Атап айтқанда, республикалық маңызы бар қалалар, соның ішінде Шымкент маңында жұмыс істейтін фермерлер ауыл шаруашылығы мақсатындағы елді мекендердің жер санатын көрсете отырып, субсидиялар алуға үміткер бола алады.

Сонымен қатар, Атырау, Маңғыстау, Қызылорда және Ұлытау облыстары сияқты құрғақ өңірлерде орналасқан барлық шаруашылықтар үшін жемшөпті субсидиялау бойынша ТЖ жағдайларын алып тастау енгізілуде.

Бұған дейін жылқы шаруашылығын субсидиялаудың жаңа бағытына бес жыл ішінде 700 млн теңге бөлінетіні жоспарланған болатын.