Азық-түлік корпорациясы "Еуразиялық Сауда Жүйесі" тауар биржасында 1-сұрыпты ұнды сатудың басталғаны туралы жариялады. Бұл туралы Корпорацияның баспасөз қызметі хабарлады.
Сауда-саттық дүйсенбіден жұмаға дейін, сағат 10.00-ден 17.00-ге дейін қосарланған қарсы аукцион режимінде өтеді.
Қосарланған қарсы аукцион режимі - сатушылар мен сатып алушылардың бәсекелестігі нәтижесінде биржалық сауда-саттық жасырын түрде жасалатын және стандартталған тауардың бағасы сұраныс пен ұсыныстың тепе-теңдік деңгейінде белгіленетін сауда режимі.
Қазақстанда биылғы жылы нөсер жаңбырдың салдарынан егін жинау кезінде ұн өндіруге жарамсыз өнген астықтың үлкен көлемі алынды. Осының аясында, сондай-ақ астық тасымалдаудағы қиындықтарға байланысты соңғы айда көптеген өңірлерде ұн бағасының күрт өсуі байқалады.
