Азық-түлік корпорациясы фермерлерден астықты тікелей сатып алуды жариялады

Азық-түлік корпорациясы президенттің тапсырмасы бойынша ауыл шаруашылығы өндірушілерінің астықты тікелей сатып алу бағдарламасына қатысуға өтінімдерін қабылдауды бастады. Бұл мақсаттарға 10 млрд теңге бағытталады.

Азық түлік корпорациясы 18 қарашада тікелей сатып алу бағдарламасы бойынша алдын ала бағаларды жариялады:

• 3-класты бидай (балауыз 27%+) – ҚҚС-пен 90 мың теңге;
• 3-класты бидай (балауыз 25%+) – ҚҚС-пен 80 мың теңге;
• 3-класты бидай (балауыз 23%+) – ҚҚС-пен 75 мың теңге;
• 4-класты бидай (балауыз 21%+) – ҚҚС-пен 65 мың теңге;
• 4-класты бидай (балауыз 18%+) – ҚҚС-пен 55 мың теңге;
• 5-класты бидай (балауыз 18%+) – ҚҚС-пен 50 мың теңге;
• 2-класты арпа (натура 630 г/л) – ҚҚС-пен 50 мың теңге.

Компанияда бірінші кезекте астықты сатып алу шағын шаруа қожалықтарынан өнімді әділ құны бойынша өткізуді қамтамасыз ету үшін жүргізілетінін атап өтті. Бір агроөнеркәсіп кешенінен сатып алудың жиынтық көлемін көбірек фермерлік шаруашылықтарды мемлекеттік қолдау қажеттілігін қанағаттандыру үшін шектеу жоспарлануда.

Сондай-ақ, нарықтан артық астықты сатып алу делдалдардың ішкі нарықтағы баға жағдайына әсерін азайтуға мүмкіндік береді.

Астық жеткізгені үшін төлемді фермерлер Азық-түлік корпорациясының ақшалай қаражатын бөлгеннен кейін ала алады. Қазіргі уақытта астық операторының ақша алуына қаржы-экономикалық негіздемені мақұлдау бойынша іс-шаралар жүргізілуде.

Тікелей сатып алу бағдарламасына қатысуға өтінімдерді Азық-түлік корпорациясының өңірлік өкілдіктері қабылдайды. Астықты қабылдаумен оператор айқындаған лицензияланған астық қабылдау кәсіпорындары айналысады.