Азық-түлік корпорациясы Ауыл шаруашылығы кәсіпорындарының астық экспортын ұйымдастыруда

Азық-түлік корпорациясы фермерлер мен астық нарығына қатысушылардың ауылшаруашылық өнімдерінің партияларын одан әрі экспортқа жіберу үшін шоғырландыру бойынша пилоттық жобаны іске қосты. Бұл туралы корпорацияның баспасөз қызметі хабарлады.

Жоба ауыл шаруашылығы өндірушілерінің экспорттық операцияларға қол жеткізуін қамтамасыз ету үшін іске қосылды. Бұл ретте Азық-түлік корпорациясы Ауыл шаруашылығы өнімін сатып алмайды, тек оны бір элеваторда шоғырландыруды ұйымдастырады және экспортқа жөнелтуді ұйымдастырады.

"Жоба шағын және орта ауыл шаруашылығы өндірушілеріне бағытталған, алайда экспорттық партия көлемі жеткіліксіз болған жағдайда қазақстандық астық нарығының басқа қатысушыларын тартуға жол беріледі", - деп атап өтті Азық-түлік корпорациясында.

Партияның ең аз шоғырландырылған көлемі бір НҚП-ға 1 мың тоннаны құрайды. Өтінімдерді қабылдау мерзімі - 30 қыркүйекті қоса алғанда; экспорттық партияларды шоғырландыру мерзімі - 15 қазанға дейін.

2 класты арпаның сапалық көрсеткіштері:

• Натурасы 630 г/л кем емес;
• ылғалдылығы 14,5% аспайды;
• арамшөптер қоспасы 2% аспайды;
• астық қоспасы 7% аспайды;

Тағамға арналған жасымықтың сапалық көрсеткіштері:

• ылғалдылығы 15% аспайды;
• арамшөптер қоспасы 3% аспайды;
• астық қоспасы 2% аспайды;

Өнімнің зиянкестермен зақымдауына жол берілмейді.

Арпаның алдын ала сатып алу бағасы - ҚҚС есебімен 45 мың теңге/тонна, ҚҚС есебінсіз 40 мың теңге/тонна. Жасымық сатып алу бағасы - ҚҚС есебімен 200 мың теңге/тонна, ҚҚС есебінсіз 180 мың теңге/тонна.