Азық-түлік корпорациясы ҚХР-ға 200 мың тонна астық жеткізеді

Азық-түлік корпорациясы қытайлық C.P. Trading компаниясымен ҚХР-ға 200 мың тонна астық жеткізу туралы Меморандумға қол қойды. Бұл туралы Корпорацияның баспасөз қызметі хабарлады.

Меморандумға Қытайдың алтыншы халықаралық импорттық көрмесі аясында қол қойылды. Азық-түлік корпорациясы оған Қазақстанның ұлттық павильонының құрамында қатысады.

Сауда және интеграция министрлігінің деректері бойынша Шанхайдағы көрмеде қазақстандық компаниялар ынтымақтастық туралы үш меморандумға және жалпы сомасы $74 млн болатын 15 экспорттық келісімшартқа қол қойды. Отандық тауар өндірушілер қытайлық серіктестермен май өнімдерін, құрғақ сүтті, балды, сондай-ақ жемдік ұнды жеткізу туралы келісті.

Қытайдың халықаралық импорт көрмесі (CIIE) Шанхайда 5-10 қараша аралығында өтеді. Қазақстанның бизнес-стендінде "Мибеко" ЖШС, "Алматы өнімі" ЖШС, "Восток ЭкоЛайн" ЖШС, "Өскемен май зауыты", "DEP" ЖШС, "Евразия ИНВЕСТ ЛТД" ЖШС, "Лепсинск Өнімі" ЖШС, "Тек Tau" ЖШС, "Көрік ШҚ" ЖШС өнімдері ұсынылған, "Arnna Minerals" ЖШС, "Алель Агро" ЖШС, "Алтын Орда" ЖШС және басқалар.