Азық-түлік корпорациясы мен қытайлық Jinmaisui Group Gangwei компаниясы қазақстандық ауыл шаруашылығы өнімдерін сатудағы өзара іс-қимыл туралы келісті. Уағдаластыққа Астанада өткен Қазақстан экспорттаушыларының екінші форумы мен Қытай (Сычуань)-Қазақстан сауда – экономикалық ынтымақтастығы жөніндегі конференция кезінде қол жеткізілді, деп хабарлады Азық-түлік корпорациясының баспасөз қызметі.
Конференция барысында Азық-түлік корпорациясының басқарушы директоры Рустам Жанатаев Қытайдың қазақстандық ауыл шаруашылығы өнімдері үшін негізгі нарық ретіндегі маңыздылығын атап өтті. Ол Қытайға астық экспортының жыл сайынғы өсімін атап өтті және сапалы өнімдердің тұрақты жеткізілуін қамтамасыз ету үшін компаниялар арасындағы серіктестікті нығайтуға ниет білдірді.
Сондай-ақ, Азық-түлік корпорациясы облыс әкімдіктерімен бірлесіп жыл сайын шамамен 100 млн доллар сомасына аграрларды форвардтық қаржыландыруды жүзеге асыратыны атап өтілді. Енді Корпорация өнімнің кепілдендірілген көлемі мен сапасын, сондай-ақ уақтылы жеткізуді қамтамасыз ете отырып, шетелдік инвесторлардың қатысуымен форвардтық сатып алу тетігін енгізуге дайын.
Бұдан басқа, Азық-түлік корпорациясы қазақстандық ауыл шаруашылығы өнімдерін халықаралық нарықтарда ілгерілету үшін шетелдік инвесторлармен ынтымақтастықты кеңейтуге ниетті.
