Азық-түлік корпорациясы ауыл шаруашылығы өнімдерін форвардтық сатып алуды кеңейтуде

Ағымдағы жылы "Кең дала" бағдарламасы бойынша көктемгі дала жұмыстарын қаржыландыруға 140 млрд теңге бағытталады. Дәл осындай қаржыландыру көлемі 2023 жылы болды. Сонымен қатар, форвардтық сатып алуды кеңейту жоспарлануда. Бұл туралы ҚР премьер-министрінің орынбасары Серік Жұманғарин Парламент сенаты депутаттарының сұратуына жауап бере отырып хабарлады.

"Республикалық бюджеттен 40 млрд теңге бөлінген Форвардтық сатып алу бағдарламасын іске асыру жалғасады. Бұл ретте 2024 жылға форвардтық сатып алуға қосымша 30 млрд теңге бөлу мәселесі пысықталатын болады", - деді Серік Жұманғарин.

Сондай-ақ, оның ақпараты бойынша Азық-түлік корпорациясы, қайта өңдеу кәсіпорындары мен фермерлер арасында үшжақты форвардтық сатып алуды жүзеге асыруға 4 млрд теңге бөлу жоспарлануда. Осы шарттар аясында өңдеушілер күнбағыс, ал Азық-түлік корпорациясы күнбағыс майын сатып алады.

Қаржыландыру келесі тәртіппен жүзеге асырылатын болады:

1. өңдеуші кәсіпорынды қамтамасыз етуді ұсынғаннан кейін күнбағыс жеткізгені үшін ауыл шаруашылығы өндірушілерін одан әрі баламалы аванстау үшін қайта өңдеуші кәсіпорынға алдын ала ақы төлеу;
2. күзгі кезеңде күнбағыс жеткізілгеннен кейін, ауыл шаруашылығы өндірушілеріне одан әрі баламалы төлем жасау үшін, өңдеуші кәсіпорынға күнбағыс құны мен алдын ала төлем арасындағы айырмашылыққа қосымша ақы төлеу;
3. Азық-түлік корпорациясының өтінімі бойынша күнбағыс майын үш жақты форвардтық сатып алу кестесі бойынша жеткізу.

"Бұл ретте күнбағыс пен күнбағыс майын сатып алу бағасы үшжақты форвардтық шарт жасасу сәтінде белгіленеді. Шикізат пен түпкілікті өнімге бағаны белгілей отырып, үш жақты форвардтық сатып алу ауыл шаруашылығы өнімдерін өндірудің, сақтаудың және өткізудің толыққанды желісін құруға, сондай-ақ бағаның өсуін тежеуге бағытталған", - деп атап өтті Серік Жұманғарин.