Азық-түлік корпорациясы әзірге астықты форвардтық сатып алу аясында бағаны белгілеген жоқ және оны жақын арада жасауды жоспарлап отыр. Бұл туралы компанияның баспасөз қызметі хабарлады.
Азық-түлік корпорациясы әлеуметтік желілер мен мессенджерлерде ауыл шаруашылығы өнімдерін сатып алу бағасы туралы дұрыс емес ақпарат таратылатынын ескертті. Барлық өзекті ақпарат Азық-түлік корпорациясының ресми веб-ресурстарында жарияланады.
Ағымдағы жылы Азық-түлік корпорациясы 21,2 млрд теңге сомасына 216 форвардтық сатып алу шартын жасасты. Келісімшартқа отырған өнімнің жалпы көлемі 292,2 мың тоннаны құрады: бидай, арпа, қарақұмық, күріш, зығыр және күнбағыс, күнжара тұқымдары.
