Азық-түлік корпорациясы Қытайдың ірі холдингі COFCO-мен ішкі Қытайдың қажеттіліктерін жабу және қазақстандық өнімді Оңтүстік-Шығыс Азия елдерінің нарықтарына жылжыту үшін астық жеткізу туралы келіссөздер жүргізуде. Бұл туралы корпорацияның баспасөз қызметі хабарлады.
"Келіссөздер қорытындысы бойынша COFCO Азық-түлік корпорациясы бастаған ірі астық экспорттаушылар консорциумы шарттарында бірінші партияны жеткізуге келісімшарт жасасу қажеттіліктерін қарастырады. Жалпы, осы бағыттағы экспорт көлемі 3 млн тоннаға дейін ұлғаяды", - деп хабарлады Азық-түлік корпорациясы.
Сондай-ақ, Азық-түлік корпорациясының басшылығы Әзірбайжан, Ауғанстан және Түркиядан келген шетелдік серіктестермен бірқатар кездесулер өткізді. Қорытындысы бойынша көлемі 2 млн тоннаға дейінгі экспортты Закавказье елдеріне, сондай-ақ Қара, Азов және Балтық теңіздерінің порттары арқылы алыс шетелдердің нарықтарына кеңейту жөнінде алдын ала келісімдерге қол жеткізілді.
Баспасөз қызметі атап өткендей, Баку қаласында бірлескен Қазақстан-Әзірбайжан астық терминалы мен диірмен кешенінің болуы алдағы уақытта жақын елдер мен Түркияға ұн экспортын қарауға мүмкіндік береді. Бұған көлік шығындарының негізгі бөлігін субсидиялау мәселесі де ықпал ететін болады.
Сонымен қатар, Түркіменстан арқылы транзитпен Ауғанстан, Иран және Пәкістан нарықтарына астық жеткізуді ұлғайту үшін Солтүстік-Оңтүстік дәлізінің логистикалық әлеуеті іске асырылатын болады.
