Тауарлар
Қызметтер
Тасымалдау қызметі
ҚР Ауыл шаруашылығы министрі Айдарбек Сапаровтың төрағалығымен ауыл шаруашылығы саласындағы уәкілетті орган алқасының кеңейтілген отырысы өтті. Бұл туралы baibolsyn.kz "fcc.kz" сілтеме жасай отырып хабарлайды.
Отырыста "Азық-түлік корпорациясы" ҰК" Басқарма төрағасы Асылхан Джувашев инновация туралы, атап айтқанда шикізат пен түпкілікті өнімге белгіленген бағамен үш жақты форвардтық сатып алу арқылы фермерлерді қаржыландыру туралы айтты.
"Үкімет Азық-түлік корпорациясының алдына қойған міндет ауыл шаруашылығы өнімдерін өндірудің, сақтаудың және өткізудің толыққанды желісін құруда жеке нарыққа жәрдемдесу бойынша ҚӨК, АШТӨ және қайта өңдеу кәсіпорны арасында шикізатты үш жақты форвардтық сатып алудың жаңа пилоттық тетігі арқылы іске асырылатын болады. Бұл тетік АШТӨ-ні КДЖ өткізу үшін жеңілдікті шарттармен қаржыландыруды, шикізатты өңдеушілерге одан әрі жеткізуді және дайын өнімді нарыққа сатуды қамтиды"- деп ауыл шаруашылығы саласындағы уәкілетті органның алқа отырысында хабардар етілді.
Сондай-ақ, фермер жеңілдетілген қаржыландыруды және кепілдендірілген өткізуді, қайта өңдеуші — белгіленген бағамен шикізатпен қуаттарды жүктеуді, ал халық тиісінше - белгіленген жеңілдікті бағамен дайын өнімді алады.
"Ағымдағы жылы бұл бағдарлама келесі дақылдар — күнбағыс, күріш, қарақұмық бойынша пилоттық режимде іске қосылады. Көлемі әлі де аз, бірақ табысты болған жағдайда бағдарлама ауқымды болады", — деп түсіндірді Асылхан Джувашев.
Отырыста сондай-ақ 2024 жылға арналған форвардтық сатып алу бағдарламасын іске асыру шеңберінде РБ-тен 40 млрд теңге бөлінгені, оның ішінде 5 млрд теңге үшжақты форвардтық сатып алуды іске асыруға көзделгені хабарланды. Айта кету керек, бүгінгі таңда АШТӨ-ден 4,1 млрд теңге сомасына 59,2 мың тонна астыққа 33 өтінім келіп түсті.
