Азық-түлік корпорациясы Ауыл шаруашылығы өндірушілерінің өтінімдері бойынша тұқым ретінде пайдалану үшін азық-түлік бидайын сатуды аяқтады. Осы мақсатта компания 45 мың тоннаға жуық астық бөлді, деп хабарлады корпорацияның баспасөз қызметі.
"Ақмола, Қостанай және Солтүстік Қазақстан облыстарынан жалпы құны 6,4 млрд теңгені құрайтын 44,8 мың тонна бидай сатып алуға 31 өтінім келіп түсті. Бұл көлем шамамен 400 мың гектар алқапта егіс науқанын қамтамасыз етуге мүмкіндік береді", - деп хабарлады Азық-түлік корпорациясы.
Өткен аптаның соңында астықты тұқым ретінде алуға өтінімдерді қабылдау аяқталды.
Естеріңізге сала кетейік, Азық–түлік корпорациясының ресурстарынан егіске астық бөлу - бұл ерекше шара. Бұл шешім фермерлердің өткен күзде астық белдеуінде егін жинаудың барлық кезеңінде жаңбыр жауған кезде сапалы тұқымдардың жеткілікті мөлшерін сала алмауына байланысты қабылданды.
