Қытайлық Dalian Hesheng Holding Group компаниясы Ақмола облысында $650 млн сомасына бидайды терең өңдеу зауытын салады. Осы мақсатта бүгін жаһандық инвестициялар жөніндегі қазақстандық дөңгелек үстел (KGIR-2024) шеңберінде компания, өңір әкімдігі және KAZAKH INVEST арасында стратегиялық ынтымақтастық туралы келісімге қол қойылды. Бұл туралы әкімдіктің баспасөз қызметінде хабарлады.
Астықты терең өңдеу зауыты Аршалы ауданындағы Aqmola индустриялық аймағының аумағында салынады. Кәсіпорында 1000-нан астам жаңа жұмыс орны ашылады.
Зауыттың өнімі Еуропаға, араб әлемі мен Оңтүстік-Шығыс Азия елдеріне экспортталатын болады.
Ақмола облысының әкімі Марат Ахметжановтың айтуынша, келісімге қол қою Қазақстан мен Қытай арасындағы аграрлық саладағы ынтымақтастықты кеңейтудің жаңа перспективаларын ашады.
"Бұл құжат ынтымақтастық үшін жаңа көкжиектер ашады және еліміздің жетекші аграрлық өңірі ретіндегі ұстанымымызды нығайтады. Қол қойылған меморандум – мемлекет басшысының 2024 жылғы 2 қыркүйектегі Қазақстан халқына Жолдауында айтылған жоғары бөлінген экспорттық өнім болып табылатын астықты терең өңдеу зауытын салу жөніндегі ірі жобаны іске асырудың бастамасы. Бұл нарықтық құны бойынша 1 млн тоннадан астам астық сатып алатын ақмолалық аграрлар үшін де тиімді", - деді Марат Ахметжанов.
