Қазгидромет егіс мерзімдері бойынша болжам жасады

Қазгидромет Қазақстанда егудің оңтайлы мерзімдері бойынша түпкілікті болжам дайындады.

Есептік деректерге сәйкес Қостанай, Солтүстік Қазақстан және Павлодар облыстарында жаздық дәнді дақылдарды егудің оңтайлы мерзімдері негізінен мамырдың екінші және үшінші онкүндіктерінде болжанады. Ақмола, Ақтөбе және Батыс Қазақстан облыстарында-мамырдың бірінші және екінші онкүндігінде.

Қарағанды мен Ұлытауда егудің оңтайлы мерзімі негізінен мамырдың екінші және үшінші онкүндігінде болады.

Шығыс Қазақстан және Абай облыстарында - негізінен мамырдың екінші және үшінші онкүндігінде. Алматы және Жетісу облыстарының таулы және тау бөктеріндегі аудандарында мамыр айының бірінші және екінші онкүндігінде егіс басталады деп болжануда.

Жаздық дәнді дақылдар үшін оңтайлы себу мерзімдерін сақтау көктемде және жаздың екінші жартысында өсімдіктердің ылғалға қажеттілігі максималды болған кезде жинақталған ылғалды барынша тиімді пайдалануға мүмкіндік береді.