Қазгидромет тамыз айындағы құрғақшылық бойынша нақтыланған болжамды жариялады. Қазақстан аумағының басым бөлігінде жаздың соңғы айында ылғалдандыру жағдайы негізінен климаттық нормаға жақын болады деп күтілуде.
Сонымен қатар, орташа құрғақшылық күтілуде:
- Ақтөбе облысы Ырғыз ауданында;
- Қызылорда облысы Шиелі ауданында және Қызылордада;
- Алматы облысы Еңбекшіқазақ ауданында;
- Жамбыл облысының Қордай, Жуалы аудандарында, Тараз маңында;
- Түркістан облысының Жетісай, Қазығұрт, Арыс, Отырар, Түркістан, Созақ және Сарыағаш аудандарында;
- Қостанай облысының Арқалық маңында және Қарағанды маңында.
Қатты құрғақшылық болжануда:
- Қостанай облысының Амангелді және Жангелді аудандарында;
- Ақтөбе облысының Әйтеке би ауданында;
- Қызылорда облысының Қармақшы ауданында.
Батыс Қазақстан облысының Казталов және Тасқала аудандарында орташа ылғалды болады.
