Қазгидромет ақпан айындағы ауа райы болжамын берді

Қазақстанда ақпан айында негізінен жылы ауа райы күтіледі, арасында жауын-шашын көп болады. Бұл туралы Қазгидромет ауа райының консультативтік болжамында айтылған.

Болжам бойынша, Қазақстан аумағының басым бөлігінде ақпан айында ауаның орташа температурасы нормадан 1-2° жоғары, нормаға жақын - Шығыс Қазақстан облысында, Алматы және Жетісу облыстарының оңтүстік-шығыс жартысында, Түркістан, Жамбыл және Абай облыстарының таулы және тау бөктеріндегі аудандарында күтіледі.

Республиканың басым бөлігінде жауын-шашын мөлшері климаттық нормаға жақын, тек Атырау, Қостанайдың солтүстік жартысында, елдің оңтүстігі мен оңтүстік-шығысының таулы және тау бөктеріндегі аудандарында - нормадан артық болады деп болжанады.

Ақпанның бірінші онкүндігінің басында және соңында синоптиктер ҚР көп бөлігінде қар, боран, оңтүстік өңірлердің таулы аудандарында кейде қатты қар жауады деп болжайды. Бірінші онкүндіктің ортасында жауын-шашын жаңбыр мен қар түрінде болады деп болжануда. Тұрақсыз ауа-райы тұманмен, көктайғақ құбылыстарымен және секундына 15-28 метрге дейін желдің күшеюімен бірге жүреді. Ақпанның бірінші онкүндігінің ортасында Қазақстанның басым бөлігінде ауа температурасы көтеріледі деп күтілуде:

• батыс өңірлерде: түнде - 3-14°С-тан - 5+3°С-қа дейін, күндіз 0,-5°С-тан -3+5°С-қа дейін;
• солтүстік және орталық: елдер түнде - 10-23°С-тан-3-10°С-қа дейін, күндіз - 5-15°С-тан -5+2°С-қа дейін;
• елдің шығысында: түнде-10-25°С-тан-2-10°С-қа дейін, күндіз - 2-12°С-тан -2+3°С-қа дейін;
• оңтүстік өңірлерде: түнде - 8-15°С-тан -3+3°С-қа дейін, күндіз -8+3°С-тан +5+13°С-қа дейін.

Бірінші онкүндіктің соңында елдің солтүстік-батыс жартысында, содан кейін Қазақстанның қалған аумағында температуралық фонның төмендеуі болжанады.

Екінші және үшінші онкүндіктерде көптеген аймақтарда аяз жылымықпен ауысады.