Қазгидрометте көктемге арналған маусымдық ауа райы болжамы шығарылды.
Қазақстанның солтүстік облыстарында наурыз қыстың жалғасы болып табылады, сондықтан кейбір күндері мұнда суық ауа райы басым, жиі қар жауады және боран соғады. Температуралық фон төмен болып қала береді, түнде 15-25 градус аяз болады.
Елдің солтүстігінде, орталығында және шығысында көктемгі жылы ауа-райы наурыздың үшінші онкүндігінде, күндізгі уақытта термометрлердің бағандары +5+15°С-қа жетуі мүмкін.
Ал Қазақстанның оңтүстік және оңтүстік-батыс өңірлері үшін наурыз - әдеттегі көктем айы, бірақ жиі жауын-шашын (жаңбыр, қар) болуы мүмкін. Ауа температурасы түнде 0 -10°С-тан +3+8°С-қа дейін, күндіз 0+10°С-тан +10+18°С-қа дейін өзгереді.
Наурыз айында жауын-шашын мөлшері республиканың басым бөлігінде, норма шегінде – Қазақстанның оңтүстік-батысында, солтүстік-батыс бөлігінде нормадан артық болжанады.
Сәуір және мамыр айларында Қазақстанның басым бөлігінде ауа температурасы нормадан 1° жоғары болады деп күтілуде, тек мамырда елдің солтүстік-батыс жартысында температуралық фон нормаға жуық болжанады.
Сәуір айында республиканың басым бөлігінде жауын-шашын климаттық нормаға жақын, ҚР солтүстік-батысында нормадан аз, елдің оңтүстігінде, оңтүстік-шығысында, шығысында таулы аймақтарда нормадан көп болады деп күтілуде.
Мамыр айында республиканың көп бөлігінде жауын-шашын мөлшері нормаға жақын болады деп болжануда.
