Қазақстанның Даму Банкі 2024-2029 жылдарға арналған Агроөнеркәсіптік кешенде, тамақ және сусындар өндірісі секторында инвестициялық жобаларды қолдаудың жалпы қаржыландыру көлемі 500 млрд теңгені құрайтын жаңа бағдарламасын іске қосты. Бұл туралы Банктің баспасөз қызметі хабарлады.
Бағдарлама шеңберінде қаржыландыру сомасы 3 млрд теңгеден, қарыз мерзімі – 5 жылдан 20 жылға дейін.
"Бағдарламаның негізгі мақсаты - импортты алмастыру және экспортты кеңейту мақсатында ауыл шаруашылығы өнімдерін қайта өңдеуге бағытталған инвестициялық жобаларды қолдау. Осы бағдарлама аясында екі инвестициялық жоба мақұлданды - бұл ет өндіретін құс фабрикасы және оралған тазартылған өсімдік майын өндіру үшін май зауытын жаңғырту", - деп хабарлады ҚДБ-де.
Сондай-ақ, Банкте бидайды, жүгеріні терең өңдеу, ет өндірісінің құс фабрикаларын дамыту, жылыжай кешенін салу және кондитерлік фабриканы кеңейту, сондай-ақ экспорттық агроөнеркәсіптік кластерді қалыптастыру бойынша бірқатар жобалар қаралуда.
Бұдан басқа, АӨК және тамақ өнеркәсібін қайта өңдеу саласындағы ірі жобаларды іске асыру мақсатында ҚДБ жобаларды Екінші деңгейдегі банктермен, сондай-ақ шетелдік және халықаралық қаржы институттарымен бірлесіп қаржыландыруға мүдделі.
