Түркістан облысының Мақтаарал ауданында мақта кластерін дамыту шеңберінде 2024 жылдан 2030 жылға дейін құны 70 млрд теңге болатын 8 ірі жоба іске асырылатын болады. Атап айтқанда, 3 желтоқсанда қуаттылығы жылына 80 мың тонна мақта талшығын құрайтын ZHANASSYL зауыты іске қосылды. Бұл туралы ҚР Ауыл шаруашылығы министрлігінің баспасөз қызметі хабарлады.
Кәсіпорын жанынан Мақтаарал және Жетісай аудандарында 13 мақта қабылдау пункті жұмыс істейді. Егін жинау науқаны басталғаннан бері 41 мың тоннадан астам мақта қабылданды.
Зауыт тәулігіне 600 тонна шитті мақта өңдейді және 180 тонна жоғары сапалы мақта талшығын, мақта линтін және басқа да өнімдерді шығарады.
ZHANASSYL-де өндірілген өнімдер ҚХР, Түркия, Еуропа, Тәжікстан, Иран және Қырғызстанға экспортталатын болады.
Сонымен қатар, кәсіпорында тамшылатып суару таспасы және мақта тұқымын қайта өңдеу өндірістерінің құрылысы жүргізілуде. Жобалардың жалпы құны 3 млрд теңгені құрайды. Оларды іске қосу 2025 жылға жоспарланған.
