Калий тыңайтқыштарын өндіру жобасын Батыс Қазақстан облысына жұмыс сапары кезінде ҚР премьер-министрі Олжас Бектенов таныстырды. Бұл туралы үкіметтің баспасөз қызметі хабарлады.
Өңірде қуаттылығы 6 млн тонна калий тыңайтқыштарын өндіру бойынша Қазақстандағы алғашқы тау-кен байыту кешені салынып, шамамен 2,4 млрд доллар инвестиция тартылады. Бүгінгі таңда ҚР-да мұндай тыңайтқыштарға орташа қажеттілік жылына 18 мың тоннаны құрайды. Зауыт 2035 жылға дейін кезең-кезеңімен іске қосылады.
Qazaq Kalium LTD компаниясының құрылтайшысы Нұрлан Артықбаевтың айтуынша, кәсіпорын ашылғаннан кейін Қазақстан әлемдік нарықтағы өндіріс үлесінің 14% қамти отырып, калий тыңайтқыштарын әлемдік өндірушілердің үздік 5 кіреді. Жоба аясында 4 мың тұрақты жұмыс орны құрылады.
Батыс Қазақстан облысы индустриалды-аграрлық өңір болып табылады. Ауыл шаруашылығының жалпы өнімінің көлемі 2023 жылы 305,5 млрд теңгені құрады. Өткен жылы 310 мың тонна дәнді дақылдар, 81,2 мың тонна майлы дақылдар, 61,7 мың тонна көкөніс өндірілді. Бүгінгі таңда облыста сыйымдылығы 52,3 мың тонна болатын 32 картоп – көкөніс қоймасы бар, оның ішінде жабдықталған - 51,1 мың тонна. Ағымдағы жылы қосымша екі көкөніс қоймасын пайдалануға беру жоспарлануда.
Сонымен қатар, БҚО-да мал шаруашылығы белсенді дамып келеді, қажетті инфрақұрылыммен жабдықталған 33,5 мың басқа арналған 14 бордақылау алаңы жұмыс істейді. Биыл сыйымдылығы 17,4 мың бас болатын тағы жеті бордақылау алаңын іске қосу жоспарлануда. Сонымен қатар, 1,9 мың басқа арналған төрт ірі сүт фермасының құрылысы басталды. Нәтижесінде облыста сүт өндірісі 41,2 мың тоннаға жетеді.
