Ақтауда аммиак-карбамид кешенін салу жоспарлануда, онда карбамид өндірілетін болады. Бұл кез келген топыраққа жарамды құрамында азот бар бірегей тыңайтқыш, деп хабарлады ҚР премьер-министрінің баспасөз қызметі.
Жоба испандық Тecnicas Reunidas компаниясымен бірлесіп жүзеге асырылады.
"Біз Тecnicas Reunidas компаниясының Ақтаудағы жаңа аммиак-карбамид кешенінің, сондай-ақ Атырау облысындағы полиэтилен өндірісінің жобалық құжаттамасын әзірлеу шеңберінде "Қазазотпен" және "Қазмұнайгазбен" ынтымақтастығын құптаймыз", - деді ҚР премьер-министрі Әлихан Смайылов Tecnicas Reunidas атқарушы төрағасы Хуан Лиадомен кездесуде.
Үкіметтің мәліметінше, Испания Қазақстанның Еуропалық Одақтағы негізгі сауда-экономикалық әріптестерінің бірі болып табылады. Өткен жылы елдер арасындағы тауар айналымы 42% - ға өсті. 2005 жылдан бастап испандық компаниялар Қазақстанға шамамен 3 300 млн инвестиция салды.
Tecnicas Reunidas өнеркәсіптік жобаларды жобалауға және жүзеге асыруға маманданған испандық компания болып табылады. Өзінің қызмет еткен жылдары ол әлемнің 60-тан астам елінде 1 мыңнан астам өнеркәсіптік кәсіпорындарды жобалап, құрылысын басқарды.
2020 жылы Tecnicas Reunidas Астанада кеңсе ашты. Бұл ретте 2002-2004 жылдары компания ҚР мұнай-газ саласындағы инженерлік жұмыстарға тартылды.
