S-Agro-Borovskoe ЖШС Қостанай облысының Меңдіқара ауданында неміс сублимация технологиясын пайдалана отырып, құрғақ бие сүтінің өндірісін іске қосты. Бұл туралы облыс әкімдігінің баспасөз қызметі хабарлады.
"Серіктестікте мыңнан астам көшім жылқы тұқымы бар. Кәсіпкер өнім өндірісінің қуатын жылына 40 тоннаға дейін арттырып, 150 жұмыс орнын ашуды жоспарлап отыр. Сондай-ақ, ол 400 ірі қара мал басына СТФ салуға ниетті, бұл жылына 4,5 млн литр сүт өндіруге мүмкіндік береді", - деп хабарлады әкімдікте.
Тағы бір жоба "Восток-1" ЖШС қатысуымен жүзеге асырылуда. Қазіргі уақытта Степановка ауылында 1200 басқа арналған СТФ құрылысы жүргізілуде. Ферманы келесі жылдың желтоқсан айында пайдалануға беру жоспарлануда. Жобаның құны 6,5 млрд теңгені құрайды, ал оның қуаттылығы – жылына 9 мың тонна сүт. 50 жұмыс орнын құру көзделіп отыр.
"Тобыл" ӘКК-нің қарыз қаражаты ІҚМ сатып алуға, жабдықтар сатып алуға және құрылыс-монтаждау жұмыстарын жүргізуге бағытталатын болады.
