Итальяндық Lumacheria Italiana компаниясы (ұлулар өндірісіндегі әлемдік көшбасшы) биыл Жамбыл облысында өнеркәсіптік ауқымда ұлулар өсіруді бастауды жоспарлап отыр. Бұл туралы облыс әкімдігінің баспасөз қызметі хабарлады.
Компания өкілдері облыс әкімінің кеңесшісі Дәулетқожа Мамыровпен кездесуде айтқандай, Жамбыл облысын таңдау әлемдік нарыққа қарағанда өнеркәсіптік көлемде ұлуларды төрт есе арзан өсіруге мүмкіндік беретін қолайлы табиғи-климаттық жағдайларға байланысты.
Жоба жергілікті Meragro компаниясымен бірлесіп жүзеге асырылады. Итальяндық компания жобаны бірнеше кезеңге бөлуді ұсынады: облыс аумағында ұлулар өсіруді жолға қою, инкубатор салу, олар үшін жемшөп өндірісін бастау және ұлу етін өңдейтін кәсіпорын салу.
Бастапқы кезеңдерде инвестиция көлемі 2 млн. еуродан жоғары болады. Компания жергілікті фермерлерді оқытуға дайын.
"Қабыршақ пен муцин - ұлу шығаратын шырыш косметологияда қолданылады. Ұлу еті бірегей жеңсік болып табылады және бүкіл әлемде үлкен сұранысқа ие", - деп атап өтті әкімдікте.
Жамбыл облысы Орталық Азиядағы өнеркәсіптік ауқымда ұлулар өсіретін бірінші өңір болмақ.
