QazTrade қазақстандық пиязды өткізу нарығын іздеуде

Қазақстанда былтырғы пияз егінінің сатылмаған бөлігі қалды. Оның жарамдылық мерзімі аяқталуда - сәуір айынан бастап пияздың тауарлық сипаттамалары айтарлықтай төмендейді және егер ол жақын арада сатылмаса, өнімнің бүліну қаупі бар. Қазіргі уақытта QazTrade орталығы сыртқы нарықтардан сатып алушыларды іздеуде.

"Үкіметтің бизнесті ішкі және сыртқы нарықтарда пиязды сатуға жәрдемдесу жөніндегі наурыз айындағы тапсырмасы аясында QazTrade Ресей, Өзбекстан, Ауғанстан және Пәкістаннан әлеуетті сатып алушылармен келіссөздер жүргізді. Қазақстандық кәсіпкерлер мен шетелдік сауда ұйымдарына коммерциялық ұсыныстар жолданды", - деп хабарлады QazTrade.

Орталықтың мәліметінше, соңғы бес жылда Қазақстанда пияз өнімі шамамен 23% - ға немесе 211,8 мың тоннаға артып келеді, бұл елімізде оны артық өндіру дағдарысына алып келді. 2023 жылы елімізде 1,1 млн тонна пияз өндірілді, бұл ішкі нарықтың қажеттілігінен 3,5 есе артық (ішкі тұтыну - жылына 300-320 мың тонна).

Бұл ретте қаңтар-ақпан айларында Қазақстан үшінші елдерге (ЕАЭО есебінсіз) 86 мың тоннадан астам көкөніс экспорттады.

Осыған ұқсас жағдай көрші мемлекеттерде де байқалады. Атап айтқанда, Ресейде пияздың өнімі 2023 жылы 11,2%-ға өсіп, 1,78 млн тоннаны құрады, Өзбекстанда - 30%-ға өсті және 1,3 млн тоннаға бағаланды. Бұл ретте пияз бағасы 2023 жылғы мамырдан бастап барлық жерде төмендейді.

Пияздың жарамдылық мерзімі аяқталатынын ескеру қажет. Тұтынушылар нарыққа Тәжікстан мен Өзбекстаннан жаңа піскен пияздың түсуін күтуде, оны жинау басталды. Қазақстандық пиязға сұраныс төмендеді, сату ең төменгі бағамен жүзеге асырылады.

QazTrade ҚР Ауыл шаруашылығы министрлігімен бірлесіп болашақта осындай жағдайлардың алдын алу тетігін құру бойынша жұмыстар жүргізіліп жатқанын атап өтті. Экспорттық оператор дәстүрлі емес нарықтарға жеткізуді қоса алғанда, пиязды сатудың барлық мүмкін нұсқаларын пысықтауда.