Тауарлар
Қызметтер
Тасымалдау қызметі
Мамыр айында Қазақ өсімдіктерді қорғау және карантин ғылыми-зерттеу институтының (ҚазӨҚКҒЗИ) ғалымдары Жамбыл және Түркістан облыстарында қырыққабат, қызанақ аурулары мен зиянкестеріне мониторинг жүргізді. Қырыққабат күйесінің көп мөлшері анықталды.
"Бақылау барысында қырыққабат дақылдарының егістіктерінде қырыққабат күйесінің балаңқұрттары, дернәсілдері мен ересек көбелектері көп болды. Бұл түр қырыққабаттың өнімділігіне қатты зиян тигізеді. Шаруа қожалықтарының иелеріне аса қауіпті зиянкестердің осы түрімен тиімді күресу жөнінде ұсыныстар жасалды", - деп хабарлады ҚазӨҚКҒЗИ.
Сонымен қатар, Түркістан облысының Мақтаарал ауданындағы мониторингтік жұмыстар кезінде Таня F1 қызанақ сұрыпында фузариозды солу және альтернариоз аурулары анықталды.
Ғалымдар атап өткендей, бұл аурулар көбінесе тұқыммен берілуі мүмкін. Сондықтан алдын-алу үшін тұқым себер алдында фитопатологиялық сараптама жүргізу, тиімді қорғаныс-ынталандырушы қосылыстармен емдеу және өнгеннен кейін көшеттерді сауықтыру шараларын жүргізу ұсынылады.
