Қазақстанның ауыл шаруашылығы өндірушілері ҚХР-мен $1 млрд-қа келісім жасасты

Пекинде өткен Қазақстан мен Қытайдың ірі азық-түлік және ауыл шаруашылығы компаниялары арасындағы келіссөздердің қорытындысы бойынша 1 млрд теңге сомасына меморандумдар мен шарттар жасалды. Бұл туралы ҚР Ауыл шаруашылығы министрлігінің баспасөз қызметі хабарлады.

Атап айтқанда, ҚР озық кәсіпорындарының бірі - Aitas.kz - ҚХР-ға 100 млн сомасына құс өнімдерін жеткізу туралы уағдаласты.

ҚР ауыл шаруашылығы министрі Айдарбек Сапаров Қытайдың Қазақстанның басым сыртқы экономикалық әріптестерінің бірі екенін атап өтті. Қазақстандық астық экспорты үшін Қытай нарығы ерекше қызығушылық білдіреді.

"Өткен жылы ҚХР-ға астық жеткізу көлемі 5,5 есеге өсіп, 1,4 млн тоннаға жетті. Екі мемлекет басшылары жақын арада Қытай нарығына астық жеткізу көлемін 2 млн тоннаға дейін ұлғайту туралы келісті… 2024 жылдың 9 айының қорытындысы бойынша қазақстандық компаниялар Қытайға 1,1 млн тонна астық жөнелтті", - деді Айдарбек Сапаров.

Келіссөздер барысында қазақстандық тарап ел аумағында жоғары қайта бөлу өндірістерін дамыту мүмкіндіктері туралы айтып, қытайлық бизнесті АӨК секторына және оның инфрақұрылымына инвестиция салуға шақырды. Қытайдан келген инвесторлар үшін әлеуетті тартымды бағыттардың бірі жоғары құны бар және әлемдік нарықтарда сұранысқа ие органикалық өнімдерді өндіру болуы мүмкін.

Сонымен қатар, Қазақстанда сиыр еті, қой еті, құс еті, консервіленген ет, сүт өнімдері және бал сияқты жоғары сапалы мал шаруашылығы өнімдерінің экспортын дамытудың жақсы мүмкіндіктері бар.