ҚР АШМ "Астық қоймалары" ЖШС Азық-түлік корпорациясының еншілес компаниясы ауыл шаруашылығы тауарын өндірушілерге компанияның элеваторларына қосымша 177 мың тонна астық орналастыруға мүмкіндік беретінін хабарлады. Бүгінгі таңда "Астық қоймалары" ЖШС элеваторларында 139,8 мың тонна көлемінде Азық-түлік корпорациясының дәнді және бұршақ дақылдарын қосқанда 314 мың тонна сақталуда. Еншілес компанияның Ақмола және Солтүстік Қазақстан облыстарында орналасқан 4 лицензияланған нан базасы бар, ал олардың жалпы сыйымдылығы 491,7 мың тоннаны құрайды.
"Астық қоймалары" ЖШС тәулік бойы жұмыс істейді және НҚП-да астықты қабылдау, кептіру, тазарту және сақтау бойынша қызметтер көрсетеді. "Елімізде ауыл шаруашылығы тауарын өндірушілерге астық қолхаттарын беруге құқығы бар барлығы 191 жеке лицензияланған НҚП жұмыс істейді. Бұл нан базаларының жиынтық сыйымдылығы 13,2 млн тоннаға жетеді. Республиканың барлық астық қоймаларының жалпы қуаттылығы 30 млн тоннаны құрайды. Бұл ретте лицензияланған НҚП 42%-ға жүктелген және қосымша 7,6 млн тонна астық орналастыруға қабілетті", - деп хабарлады ҚР Ауыл шаруашылығы министрлігінен.
Сондай-ақ, Ақмола облысындағы бос қуаттылық көрсеткіштері тиісінше 2,5 млн тоннаны, Солтүстік Қазақстан және Қостанай облыстарында 1,6 млн тоннаны құрайды.
АШТӨ-нің элеваторлары мен астық қоймаларының картасы бойынша барлық өзекті ақпаратты Qoldau жүйесінде нақты уақыт режимінде қадағалауға болады.
ҚР Ауыл шаруашылығы министрлігі астықты сақтауға немесе элеваторлардың жұмыс істеуіне байланысты мәселелер туындаған жағдайда ауыл шаруашылығы басқармасына жүгіну қажет екенін хабарлады:
Ақмола облысы:
Қостанай облысы:
Солтүстік Қазақстан облысы:
