Алматы облысында жыл басынан бері 19 мал ұрлығына қатысы бар жеті топ ұсталды. Бұл туралы Облыстық полиция департаментінің баспасөз қызметі хабарлады.
"Сәуір айында Балқаш ауданы Береке ауылының тұрғыны төрт сиырдың ұрланғаны туралы өтінішпен полицияға жүгінді. Жедел-іздестіру іс-шараларын жүргізу барысында ұрланған сиырды шаруа қожалықтарының бірінің аумағында сойған екі жергілікті тұрғын ұсталды. Күдіктілер қамауда. Олардың төрт мал ұрлығына қатысы бар екендігі дәлелденді. Қазіргі уақытта іс қолданыстағы заңнамаға сәйкес шешім қабылдау үшін сотқа жіберілді", - деді Балқаш аудандық полиция бастығының орынбасары Нұрлан Мұратұлы.
Қабылданған шаралардың нәтижесінде аймақ полицейлері жыл басынан бері 55 млн теңгеге ұрланған малдың 95 басын иелеріне қайтарып берді.
Естеріңізге сала кетейік, Қазақстанда мал ұрлағаны үшін мүлкі тәркіленіп, 12 жылға дейін бас бостандығынан айыру қарастырылған.
