Серік Жұманғарин Мемлекет басшысының Жарлығымен премьер-министрдің орынбасары – ҚР Ұлттық экономика министрі болып тағайындалды. Нұрлан Байбазаров бұл қызметтен босатылды, деп хабарлады Ақорда.
Серік Жұманғарин бұған дейін премьер-министрдің орынбасары болған, бұл қызметте ол ауыл шаруашылығы мәселелерімен айналысқан.
Ұлттық экономика министрлігінің ұжымына жаңа басшыны таныстыра отырып, премьер-министр Олжас Бектенов ведомствоның алдағы кезеңге арналған басым міндеті мемлекет басшысының серпінді экономикалық өсуді қамтамасыз ету жөніндегі тапсырмасын орындау болып табылатынын атап өтті. Бүгінгі таңда экономика тұрақты өсу тенденциясын көрсетуде. Экономиканы құрылымдық өзгерту, бюджет, салық саясатының тиімділігін және бюджеттік параметрлерді болжау деңгейін арттыру жөніндегі жұмысты күшейту тапсырылды.
