Тауарлар
Қызметтер
Тасымалдау қызметі
Қаржы мониторингі агенттігінің (ҚМҚ) Жамбыл облысы бойынша департаменті шаруа қожалықтарының деректемелері мен құжаттарын пайдалана отырып, жалған шот-фактуралар жазып берген бірқатар тұлғаларға қатысты қылмыстық істерді тергеп-тексереді.
"Жалған шот-фактуралар субсидияланатын таңқурай сұрыптарын жеткізуге жазылды, содан кейін фермерлер атынан шаруа қожалықтары иелерінің хабарынсыз субсидиялар алуға электрондық өтінімдер берілді", - деп хабарлады ҚМҚ баспасөз қызметі.
Фермерлерді тексеру нәтижесінде таңқурай егістік алқаптары табылған жоқ. Бұл ретте мемлекеттен 800 млн теңгеден астам сомаға субсидиялар алынды.
Субсидияларды заңсыз алған азаматтарға қатысты алаяқтық фактілері бойынша төрт қылмыстық іс тіркелді.
