Қазақ ұлттық аграрлық зерттеу университетінің құрамына алты ірі ғылыми-зерттеу институты мен екі тәжірибелі шаруашылық берілді. Бұл туралы университеттің баспасөз қызметі хабарлады.
ҚазҰАЗУ құрамына: тәжірибелік шаруашылығымен Қазақ егіншілік және өсімдік шаруашылығы ҒЗИ, Мал шаруашылығы және жемшөп өндіру ҚазҒЗИ, У.Успанов атындағы Топырақтану және агрохимия ҚазҒЗИ, Жеміс-көкөніс шаруашылығы ҚазҒЗИ, Қайта өңдеу және тамақ өнеркәсібі ҚазҒЗИ, АӨК экономикасы және ауылдық аумақтарды дамыту ҚазҒЗИ, «Меркі» тәжірибелік шаруашылығы кірді.
Баспасөз қызметі атап өткендей, енді ЖОО студенттері жоғары білім мен ғылыми тәжіриебе алады. Интеграциялық процестерді күшейту мақсатында ҚазҰАЗУ-дың барлық әлеуеті - ғылыми зерттеу орталықтары, заманауи зертханалар, жас ғалымдарға арналған жатақханалар болашақта практикалық дағдылары бар ЖОО-ның еншілес ұйымдарымен серіктестікте бірлесіп пайдаланылатын болады.
«ҒЗИ мен университет ғалымдарының бірлескен ғылыми әзірлемелерінің нәтижелері өндіріске енгізіліп қана қоймай, жаңа білім беру бағдарламаларына айналатын болады, бұл ғылыми кадрларды даярлау сапасын арттыруға мүмкіндік береді.
Ақырында, ҒЗИ мен тәжірибелі шаруашылықтар бұдан былай өз ұжымдарын дамытуға осы қомақты қаражатты қалдырып, ҰАҒБО - ны ұстауға дивидендтер төлемейді», - деп мәлімдеді ЖОО-да.
