Тауарлар
Қызметтер
Тасымалдау қызметі
Қазақстан Парламентінің Сенаты Еуразиялық экономикалық одақ шеңберінде ауыл шаруашылығы өніміне қойма куәліктерін шығару (беру), айналысқа жіберу және өтеу қағидалары туралы келісімді ратификациялауды мақұлдады. Бұл туралы палатаның баспасөз қызметі хабарлады.
Заң нормалары қойма куәліктерінің тұрақты айналымын, сондай-ақ қойма куәліктерін ұстаушылар үшін қаржы ресурстарының қолжетімділігін қамтамасыз етуге бағытталған.
Осы Келісімді ратификациялау аграрлық саланың кірістілігін арттыруға мүмкіндік береді және ауыл шаруашылығы тауарларының электрондық саудасын дамытуға ықпал етеді деп күтілуде.
"Келісім Еуразиялық экономикалық одақ шеңберінде ауыл шаруашылығы және ауыл шаруашылығы өнімдерінің өзара саудасы саласындағы ынтымақтастықты дамытуға бағытталған. Атап айтқанда, ЕАЭО аумағында ауыл шаруашылығы өніміне қойма куәліктерінің пайдаланылуы мен айналымын реттеу үшін құқықтық негіз қалыптастырылады. Мақұлданған заң ЕАЭО-ға мүше елдер арасындағы ауыл шаруашылығы саласындағы ынтымақтастықты нығайтуға ықпал етеді деп үміттенеміз", - деді Сенат спикері Мәулен Әшімбаев.
