Қазақстанда ветеринарлық статуарлық орган құру жоспарлануда

Ветеринария саласындағы төмен материалдық-техникалық қамтамасыз ету және төмен жалақы мал шаруашылығын дамытуға елеулі кедергі жасайды. Қазақстан етке деген қажеттілігін толығымен жабады, бірақ сиыр етін өндіруді арзандату үшін экспорттық нарықтарды ашу қажет. Үкімет отырысында саланың жай-күйі талқыланды, деп хабарлады ҚР премьер-министрінің баспасөз қызметі.

Ауыл шаруашылығы вице-министрі Аманғали Бердалиннің айтуынша, Қазақстанда жануарлардың аса қауіпті ауруларының тізіміне аурулардың 68 түрі енгізілген, олардың 45-іқолайлы мәртебе, 23-і бойынша арнайы ветеринариялық-профилактикалық іс-шаралар жүргізілуде.

"Елдің эпизоотиялық жағдайына әсер ететін факторлардың бірі малдың толық және сенімді есебі болып табылады. Ауыл шаруашылығы жануарларын бірдейлендірудің қолданыстағы ақпараттық жүйесі (АШЖБ) бұрын ешбір сынға төзе алмайтын. Бүгінгі таңда жүйелік қателерді жою және процестерді басқа ақпараттық жүйелермен біріктіру бойынша үлкен жұмыс жүргізілді. Атап айтқанда, ӘӨАЖ анықтамалығында 1,2 мыңнан астам аумақтық бірлік өзектендірілді, жануарды карантинге қою функционалы пысықталды, 28,5 мың жануардан АШЖБ деректер базасы өзектендірілді. Ветеринария жүйесін реформалау шеңберінде АШЖБ, СБАЖ, VETMOBILE, TortTulik және басқа да жаңа цифрлық өнімдер әзірленді және жұмыс істеп тұр, бұл бастапқы және сенімді деректерді автоматты режимде тікелей ақпараттық жүйелерге жіберуге мүмкіндік береді", — деді Аманғали Бердалин.

Соңғы 3 жылдың сәйкес кезеңімен салыстырғанда қабылданып жатқан шаралардың арқасында ауру ошақтарының 44,7%-ға төмендеуі байқалады (2021 жылы – 331, 2022 жылы - 299, 2023 жылы-205).

Өңірлерде іс-шаралар кешенін жеткілікті қаржыландыру және дұрыс ұйымдастыру ветеринарияны тұрақты қауіпсіз деңгейге шығаруға мүмкіндік береді. Қазіргі уақытта орталық пен өңірлер арасындағы өкілеттіктердің аражігін ажыратуды, процестерді цифрландыруды, деректерді жинау мен беруді автоматтандыруды, кадрлар даярлау жүйесін жетілдіруді және ветеринария саласындағы мамандардың жалақысын арттыруды, оларға әлеуметтік қолдау шараларын көрсетуді көздейтін ветеринария мәселелері жөніндегі заң жобасы Парламентте қаралуда.

Сонымен қатар, өзін-өзі реттейтін кәсіби ұйым ретінде ветеринарлық статуарлық орган құру ұсынылады. Оның негізгі функциялары ветеринария саласындағы кадрларды есепке алу және мониторингтеу, мамандардың біліктілігін арттыру, ветеринариялық оқиғаларды қарау болып табылады.

"Ветеринарияның негізгі міндеті - адамдардың денсаулығын ауыл шаруашылығы жануарларының ауруларынан қорғау, мал шаруашылығы өнімдерінің қауіпсіздігі. Өңірлердегі жағдайды тұрақтандыру оңай емес, бірақ орындалатын міндет, жергілікті жерлерде іс-шаралар кешенін өткізу, жеткілікті қаржыландыру және тұрақты бақылау арқылы шешіледі. Мал шаруашылығы саласын одан әрі дамыту тек ет экспортын ашқан кезде ғана мүмкін болады және біз бұдан былай салдарынан бүкіл ел үшін нарықтарды жабуға мәжбүр ететін жекелеген өңірлерде мал ауруларының өршуіне тәуелді болмауымыз керек. Облыс әкімдіктері профилактикалық іс-шараларды өткізуді жеке бақылауға алып, ветеринариялық қызметтерді материалдық-техникалық жарақтандыруды жақсартып, ветеринариялық қызметкерлер үшін жағдай жасауы қажет", - деп қорытындылады вице-премьер Серік Жұманғарин.