ӘКК фермерлермен 8,8 мың тонна пиязға келісімшарт жасады

Тараздағы пияз өндірушілердің ауқымды жәрмеңкесінде өңірлік ӘКК фермерлермен 8,8 мың тонна пиязға келісімшарт жасады. Бұл туралы Сауда және интеграция министрлігінің баспасөз қызметі хабарлады.

Жәрмеңке қыс пен маусымаралық кезеңде олардың бағасын тұрақтандыру үшін әлеуметтік маңызы бар азық-түлік өнімдерін жеткізуге меморандумдар жасасу мақсатында ұйымдастырылды.

Жәрмеңкеде 60-тан астам өсіруші аймақта ерте пісетіннен кеш пісетінге дейін өсірілетін пияз сұрыптарының кең желісін ұсынды. Қорытындысы бойынша өңірлік ӘКК мен өндірушілер арасында 8,8 мың тонна пияз жеткізуге меморандумдарға қол қойылды.

Баспасөз қызметі атап өткендей, өткен жылы үкіметте бағаны тұрақтандыру тәсілдері қайта қаралды. Жаңа шаралардың мәні әлеуметтік маңызы бар азық-түліктің кейінгі жеткізілімдерін аванстау мақсатында фермерлерге қаржыландыруды алдын ала ұсынуда болды. Бүгінде облыстарда осы мақсаттарға бюджетпен 118 млрд теңге, оның ішінде өндірушілерден келісімшарт жасауға мүмкіндік беретін форвардтық сатып алуға – 17,9 млрд теңге көлемінде қаражат көзделген.

Осы жылдың маусым айында Қызылордада "Жері күрішті, елі ырысты Қызылорда" атты осындай жәрмеңке өтті, онда Қызылорда облысының күріш өңдеу кәсіпорындары, ӘКК және басқа өңірлердің кәсіпкерлері арасында шамамен 3 млрд теңге сомаға келісімшарттар мен меморандумдар жасалды