Ақмола облысында дәнді дақылдардың орташа өнімділігі 12 ц/га-ға жақындап келеді

Ақмола облысында 4 қыркүйекте 559 мың га дәнді дақылдар жиналды. Орташа өнімділігі 11,9 ц/га болған кезде 663,2 мың тонна бастырылды. Бұл туралы ҚР Ауыл шаруашылығы министрлігінің баспасөз қызметі хабарлады.

Өңірдегі өнімділік бойынша Атбасар ауданындағы "Шуйское" ЖШС көш бастап тұр, онда диқандар 25 ц/га бастыруда.

Облыста барлығы 5,4 млн гектар алқапты жинау керек, оның 4,7 млн гектары - дәнді дақылдар. Жалпы астық жинау орташа өнімділігі 11,2 ц/га болған кезде 5,2 млн тонна деңгейінде болжанады.

Сыйымдылығы 4 млн тоннадан асатын 66 лицензияланған астық қабылдау кәсіпорындары және 2,8 млн тоннаға ауыл шаруашылығы өндірушілерінің астық қоймалары жаңа егінді қабылдауға дайын.

Жалпы алғанда, егін жинау науқанына 9 мыңға жуық астық жинау техникасы жұмылдырылды, оның негізгі бөлігі қазіргі заманғы өнімділігі жоғары комбайндар. Тек ағымдағы жылы шаруашылықтар 31 млрд теңгеге 873 бірлік ауыл шаруашылығы техникасын сатып алды.